அயோத்தி; அயோத்தியில் பிராண பிரதிஷ்டை நாள் முதல் தினமும் பல லட்சம் பக்தர்கள் ராமரை தரிசித்து வருகின்றனர். தற்போது கோடை காலம் துவங்கி உள்ளது. அதிகரித்து வரும் வெப்பநிலையை கருத்தில் கொண்டு, இன்று முதல் ராமருக்கு பருத்தி வஸ்திரம் அணிவித்து பூஜைகள் நடைபெறுகிறது. இன்றைய வழிபாட்டில் ராமர், கைத்தறி பருத்தியால் ஆன இயற்கை சாயம் பூசப்பட்ட, மலர்களால் அலங்கரிக்கப்பட்ட வஸ்திரம் அணித்து பக்தர்களுக்கு அருள்பாலித்தார். ஏராளமான பக்தர்கள் கலந்து கொண்டு ராமரை தரிசனம் செய்தனர்.