திருச்சி; ஸ்ரீரங்கம் அரங்கநாதசுவாமி கோயிலில் ஆனி சுவாதியை முன்னிட்டு பெரியாழ்வார் திருவீதி புறப்பாடு நடைபெற்றது.

ஸ்ரீரங்கம் அரங்கநாதசுவாமி கோயிலில் 12ஆழ்வாா்களில் ஒருவரும், ஆண்டாளின் தந்தையுமான பெரியாழ்வாரின் ஆனி சுவாதி திருநட்சத்திர விழா இன்று சிறப்பாக நடைபெற்றது. இதையொட்டி பெரியாழ்வாருக்கு சிறப்பு அலங்காரம் செய்யப்பட்டு, சந்நிதியில் பூஜைகள் நடைபெற்றன. தொடா்ந்து பெரியாழ்வாா் சந்தனு மண்டபத்தில் எழுந்தருளினாா். அங்கு பெரியாழ்வாருக்கு மரியாதை செய்விக்கப்பட்ட பின்னா், திருவீதி புறப்பாடு நடைபெற்றது. இதில் ஏராளமான பக்தர்கள் கலந்து கொண்டு தரிசனம் செய்தனர்.