திருப்பதி: திருமலையில், பிரம்மோற்சவத்தின் போது கருட சேவையை, காண முடியாத பக்தர்களின் வசதிக்காக, மாதந்தோறும், பவுர்ணமி தினத்தில், கருட சேவை நடத்தப்படுகிறது. அதன்படி, நேற்று, மலையப்ப சுவாமி கருட வாகனத்தில், மாட வீதியில் எழுந்தருளி அருள்புரிந்தார். நேற்று ஞாயிற்றுக்கிழமை இரவு 7 மணிக்கு கருட வாகன சேவை தொடங்கியது. சர்வாலங்கார அலங்காரத்தில் மலையப்ப சுவாமி, கருட வாகத்தில் வீதிகளில் வீதி உலா வந்து அருள்பாலித்தார். திருமலை ஸ்ரீ ஸ்ரீ பெரிய ஜீயர் சுவாமி, ஸ்ரீ ஸ்ரீ ஸ்ரீ சின்ன ஜீயர் சுவாமி, கோயில் துணை இஓ ஸ்ரீ லோகநாதம் உள்ளிட்டோர் வாகன சேவையில் பங்கேற்றனர்.