ராஜபாளையம்; ராஜபாளையம் சிங்கத்திருளப்ப சுவாமி கோயில் ஆடி மாத பூஜையை முன்னிட்டு விலகலேடி தாயாதியார் சார்பில் முப்பழ அபிஷேக பூஜை நடந்தது. நேற்று காலை முதல் கோயில் பிரகாரத்தில் அமைந்துள்ள வீரபத்திரர், ராக்காச்சி அம்மன், பேச்சியம்மன், விநாயகர் உள்ளிட்ட தெய்வங்களுக்கு சிறப்பு பூஜைகள் நடத்தப்பட்டன. தொடர்ந்து மூலவரான சிங்கத்திருளப்ப சுவாமிக்கு அபிஷேகம், பாராயணத்திற்கு பின் முப்பழ அபிஷேக பூஜை நடந்தது. இதனைத் தொடர்ந்து சுவாமி அலங்காரத்தில் பக்தர்களுக்கு காட்சி அளித்தார். மகா தீபாராதனையை அடுத்து முப்பழ பிரசாதம் பக்தர்களுக்கு வழங்கப்பட்டு அன்னதானம் நடந்தது. ஏற்பாடுகளை பாலையராஜா, சிங்க ராஜா குடும்பத்தினர் செய்திருந்தனர்.