பண்ருட்டி; பண்ருட்டி காமராஜர் நகர் ஸ்ரீசக்தி விநாயகர் கோவிலில் பிரம்மோற்சவ விழா கொடியேற்றத்துடன் துவங்கியது. பண்ருட்டி, காமராஜ் நகர், ஸ்ரீ சக்தி விநாயகர் கோவிலில் விநாயகர் சதுர்த்தி பிரம்மோற்சவ கொடியேற்று விழா நேற்று நடந்தது. காலை 6:00 மணிக்கு விநாயகருக்கு சிறப்பு அபிஷேக ஆராதனைகள் நடந்து, மூலவர் சந்தனகாப்பு அலங்காரத்தில் அருள்பாலித்தார். கொடிமரம் அருகே முஷீக வாகனத்தில் உற்சவர் சக்தி விநாயகர் சிறப்பு அலங்காரத்தில் அருள்பாலித்தார். காலை 7:00 மணிக்கு கொடிமரத்திற்கு சிறப்பு பூஜைகள் நடந்து, 7:30 மணிக்கு கொடியேற்ற நிகழ்ச்சி நடந்தது. இரவு உற்சவர் மூஷிக வாகனத்தில் வீதியுலா நடந்தது. விழாவில் முன்னாள் எம்.எல்.ஏ., சத்யா பன்னீர்செல்வம், முன்னாள் நகராட்சி சேர்மன் பன்னீர்செல்வம் உட்பட பலர் பங்கேற்றனர். ஏற்பாடுகளை கோவில் தலைவர் செந்தில்முருகன், பொருளாளர் சீனுவாசன் செய்திருந்தனர்.