அருப்புக்கோட்டை; அருப்புக்கோட்டை அருகே பாலையம்பட்டி ராமநாதபுரம் சமஸ்தானத்திற்கு பாத்தியப்பட்ட வேணுகோபாலசாமி கோயிலில் நேற்று தேர் வெள்ளோட்டம் நடந்தது. இக்கோயிலில் ஆண்டுதோறும் வைகாசி வசந்த விழா தேரோட்டம் நடக்கும். தேர் பழுது ஏற்பட்டதால் கடந்த 5 ஆண்டுகளாக தேரோட்டம் நடக்கவில்லை. பின்னர் தேர் புதுப்பிக்கும் பணி நடந்தது. நேற்று மாலை 6:00 மணிக்கு 40 அடி உயரம் உள்ள புதுப்பிக்கப்பட்ட தேரின் வெள்ளோட்டம் நடந்தது. இதில் அமைச்சர் சாத்தூர் ராமச்சந்திரன் கலந்துகொண்டு தேர் வடம் பிடித்து துவக்கி வைத்தார். தேர் கோயிலில் இருந்து தேரோடும் வீதியாக வந்து நிலையை அடைந்தது.