காளஹஸ்தி; திருப்பதி மாவட்டம் ஸ்ரீகாளஹஸ்தி சிவன் கோயிலுக்கு யோகா குரு ரவிசங்கர் குருஜி சாமி தரிசனம் செய்ய வந்தார். அவரை கோயில் செயல் அலுவலர்  மூர்த்தி சிறப்பு வரவேற்பு ஏற்பாடு செய்ததோடு சிறப்பு தரிசன ஏற்பாடுகளையும் செய்தனர். கோயிலுக்குள் சென்ற அவர் ஞானப் பிரசுனாம்பிகை சமேத ஸ்ரீ காளஹஸ்தீஸ்வரரை சிறப்பு தரிசனம் செய்தார். பின்னர் கோயில் வளாகத்தில் உள்ள ம்ருத்யுஞ்சய சுவாமிகள் சன்னிதியில், தேவஸ்தான செயல் அலுவலர் மூர்த்தி ரவிசங்கருக்கு ஞானப் பிரசுனாம்பா சமேத ஸ்ரீகாளஹஸ்தீஸ்வர ஸ்வாமியின் வஸ்திரம் அணிவித்து கோயில் தீர்த்தப் பிரசாதங்களும், சாமி திருவுருவப் படம் வழங்கினார். மேலும் கோயில் வேதப் பண்டிதர்கள் வேத மந்திரங்களால் சிறப்பு ஆசீர்வதம் செய்தனர். இந்த நிகழ்ச்சியில் தேவஸ்தான துணை செயல் அலுவலர் கிருஷ்ணாரெட்டி , உதவி ஆணையர் மல்லிகார்ஜுன் பிரசாத் மற்றும் கோயில் அலுவலர்கள், பணியாளர்கள் பங்கேற்றனர்.