காரைக்குடி; காரைக்குடி அருகே உள்ள வ.சூரக்குடியில் வேப்பமரத்தில் பால் வந்ததை கிராம மக்கள் ஆச்சரியத்துடன் பார்வையிட்டதோடு மரத்திற்கு சிறப்பு பூஜை செய்தனர். சாக்கோட்டை ஊராட்சி ஒன்றியத்துக்கு உட்பட்ட வ. சூரக்குடியில் சூரமாகாளியம்மன் கோயில் உள்ளது. இந்தக் கோயிலுக்கு பக்தர்கள் சிலர் நேற்று காலை சென்றுள்ளனர். அப்போது கோயிலின் அருகே இருந்த வேப்ப மரத்தில் இருந்து பால் வடிந்துள்ளது. வேப்ப மரத்தில் பால் வடிந்த தகவல் கிராமம் முழுவதும் பரவியது. காலை தொடங்கி நேற்று மாலை வரை தொடர்ந்து மரத்திலிருந்து பால் வடிந்தது. கிராம மக்கள் வந்து ஆச்சிரியத்துடன் மரத்தை பார்வையிட்டு சென்றனர். தொடர்ந்து கிராம மக்கள் சார்பில் வேப்பமரத்திற்கு சிறப்பு பூஜைகளும் செய்யப்பட்டது.