திருச்செந்துார்; திருச்செந்தூர் சுப்பிரமணிய சுவாமி கோவிலில் பரிகார பூஜைகளுக்காக கோவில் நடை அடைக்கப்பட்டது.

திருச்செந்தூர் சுப்பிரமணிய சுவாமி கோவில் யானை தெய்வானை மிதித்து உதவி பாகன் உதயகுமார், 45, அவரது உறவினர் சிசுபாலன் ஆகிய இருவர் உயிரிழந்தனர். தெய்வானை தாக்கி, பாகன் உட்பட 2 பேர் உயிரிழந்த சம்பவம் தொடர்பாக மாவட்ட வன அலுவலர் ரேவதி சிசிடிவி காட்சிகளை ஆய்வு செய்து, விசாரனை செய்தார். இந்நிலையில் கோவில் நடை 1மணி நேரம் அடைக்கப்பட்டு பரிகார பூஜைகள் நடைபெற்றது. பூஜைகளுக்கு பிறகு மீண்டும் கோவில் திறக்கப்பட்டது.