அவிநாசி; சேவூர் பால சாஸ்தா ஐயப்பன் கோவில் கும்பாபிஷேகத்தை முன்னிட்டு முதற்கால யாக வேள்வி துவங்கியது.

அவிநாசி வட்டம் சேவூர் ஊராட்சியில் எழுந்தருளியுள்ள ஸ்ரீ பால சாஸ்தா ஐயப்பன் கோவிலில், நாளை அதிகாலை 4:50 மணிக்கு மேல் 5:15 மணிக்குள் விமானங்களுக்கு மஹா கும்பாபிஷேகம் நடைபெற உள்ளது. இதற்காக நேற்று விக்னேஸ்வர பூஜை, மிருத்சங்கிரஹணம்,ஸ்ரீ ஹரிஹர பஞ்சாசனம் உள்ளிட்டவைகளுடன் முதல் கால வேள்வி யாக பூஜைகள் துவங்கியது. இன்று,ஸ்ரீ ஹரிஹர புத்திர ஆச்சார்ய வர்ண பூஜை,ஸ்ரீ ஹரிஹர புத்திரனுக்கு ரஜதபந்தனம், எந்திர ஸ்தாபனம் ஆகியவற்றுடன் இரண்டு மற்றும் மூன்றாம் கால யாக வேள்வி பூஜைகள் நடைபெறுகிறது. நாளை நான்காம் கால வேள்வி பூஜையில் யாத்ரா தானம், கடம் புறப்படுதலுடன் விமானங்களுக்கு மஹா கும்பாபிஷேகம் நடைபெறுகிறது. அதன் பின்னர் மூலாலய மூலவர்களுக்கு மஹா கும்பாபிஷேகம் நடைபெறுகிறது. அதனைத் தொடர்ந்து மஹாபிஷேகம், மஹா தீபாராதனை, ஹரிவராசனம் ஆகியவை நடைபெறுகிறது. கும்பாபிஷேகத்தை முன்னிட்டு ஸ்ரீ தர்மசாஸ்தா டிரஸ்ட் மற்றும் ஊர் பொதுமக்கள் சார்பில் பக்தர்களுக்கு அன்னதானம் வழங்கப்படுகிறது.