சென்னை; திருமலை, திருப்பதி வெங்கடேஸ்வர பெருமாள் கோவிலில், தினசரி அதிகாலை முதல் நள்ளிரவு வரை பல சேவைகள் நடக்கின்றன. அவற்றில் வரும் பிப் 2025 மாதம் நடக்கவுள்ள சேவைகளுக்கான முன்பதிவு தேதிகள் அறிவிக்கப்பட்டுள்ளன.

அதன்படி, அங்கப்பிரதக்‌ஷனம் செய்வதற்கான முன்பதிவிற்கு, நாளை காலை 10:00 மணிக்கும், மூத்த குடிமக்கள், மாற்று திறனாளிகள் தரிசனத்திற்கான முன்பதிவு, மாலை 3:00 மணிக்கும் துவங்குகிறது. சிறப்பு தரிசனம் 300 ரூபாய்க்கான முன்பதிவு 25ம் தேதி காலை 10:00 மணிக்கு துவங்குகிறது. திருமலை மற்றும் திருப்பதியில் விடுதிகளுக்கான முன்பதிவு, 25ம் தேதி மாலை 3:00 மணிக்கு துவங்குகிறது. பிப்., மாதத்திற்கான ஸ்ரீவாரி ஆர்ஜித சேவைக்கான கல்யாண உற்சவம், ஊஞ்சல் சேவை, ஆர்ஜித பிரம்மோற்சவம், சகஸ்ர தீப அலங்கார சேவைகள் நிறுத்தி வைக்கப்பட்டுள்ளன. திருச்சானுார் பத்மாவதி தாயார் கோவில், வரும் டிச., மாதத்திற்கான சிறப்பு தரிசனம் 200 ரூபாய்க்கான முன்பதிவு, 25ம் தேதி காலை 10:00 மணிக்கு துவங்குகிறது என, டி.டி.டி.,அறிவித்துள்ளது.