அன்னூர்; திம்மநாயக்கன்புதூர் மகா பைரவர் கோவிலில், இன்று (23ம் தேதி) ஜென்ம அஷ்டமி விழா சிறப்பாக நடைபெற்றது.

அன்னூரில் இருந்து மொண்டிபாளையம் செல்லும் வழியில், திம்மநாயக்கன்புதூரில், பிரசித்தி பெற்ற மகா பைரவர் கோவில் உள்ளது. கார்த்திகை மாதம் வருகிற தேய்பிறை அஷ்டமி, ஜென்ம அஷ்டமி என்று உலகம் முழுவதும் கொண்டாடப்படுகிறது. இங்கு பைரவருக்கு தனி கோவில் அமைக்கப்பட்டுள்ளதால், அதிகளவில் பக்தர்கள் வந்து வழிபடுகின்றனர். ஜென்ம அஷ்டமியை முன்னிட்டு, இன்று (23ம் தேதி) இரவு 7:00 மணிக்கு சிறப்பு வேள்வி பூஜை நடக்கிறது. இதையடுத்து, வாண வேடிக்கையுடன் 1008 லிட்டர் பன்னீரால், பைரவருக்கு அபிஷேகமும், அலங்கார பூஜையும், அன்னதானமும் நடைபெறுகிறது. விழாவில் பங்கேற்று இறையருள் பெற விழா குழுவினர் அழைப்பு விடுத்துள்ளனர்.