கோவை; கார்த்திகை மாதம் கிருத்திகை நட்சத்திரம் மற்றும் மாதத்தின் கடைசி வெள்ளிக்கிழமையை முன்னிட்டு கோவை பெரியநாயக்கன்பாளையம் - குப்பிச்சிபாளையம் ரோட்டில் அமைந்துள்ள ஸ்ரீபால தண்டாயுதபாணி சுவாமி கோவிலில் மூலவர் மற்றும் உற்சவருக்கு அபிஷேகம், பூஜைகள் நடந்தன. இதில் மூலவர் முருகப்பெருமான் சிறப்பு புஷ்ப அலங்காரத்தில் பக்தர்களுக்கு அருள் பாலித்தார். இந்த நிகழ்ச்சியில் ஏராளமான பக்தர்கள் கலந்து கொண்டு தரிசனம் செய்தனர்.

* கோவை என்.எச். ரோடு - டவுன்ஹால் சந்திப்பில் அமைந்துள்ள ஸ்ரீ மாகாளி அம்மன் கோவிலில் அம்மனுக்கு அபிஷேகம், பூஜை நடைபெற்றது. இதில் சந்தன காப்பு அலங்காரத்தில் பக்தர்களுக்கு அம்மன் அருள் பாலித்தார்.

* கோவை ராம் நகர் பட்டேல் ரோடு ஸ்ரீ பாலதான்டா யுதபாணி சுவாமி கோவிலில் மூலவர் மற்றும் உற்சவருக்கு அபிஷேகம் மற்றும் பூஜைகள் நடைபெற்றன. இதில் உற்சவமூர்த்தி வள்ளி தேவசேனா சமேதரராய் சிறப்பு புஷ்ப அலங்காரத்தில் பக்தர்களுக்கு காட்சியளித்தார்.