தூத்துக்குடி; திருச்செந்தூர் பகுதியில் தற்போது கனமழை பெய்து வருவதால் திருச்செந்தூர் சுப்பிரமணிய சுவாமி திருக்கோவிலில் இன்று பவுர்ணமி தினத்தை முன்னிட்டு பக்தர்கள் வர வேண்டாம் என கோவில் நிர்வாகம் சார்பாக அறிவுறுத்தப்படுகிறது.

திருச்செந்தூர் சுப்பிரமணிய சுவாமி திருக்கோவிலில் மாதம் தோறும் பவுர்ணமி தினத்தை முன்னிட்டு லட்சக்கணக்காக பக்தர்கள் கடற்கரையில் தங்கி தரிசனம் செய்து வருகின்றனர்.  இந்நிலையில் திருச்செந்தூர் சுற்றுவட்டார பகுதிகளில் கனமழை பெய்து வருவதால் திருச்செந்தூர் கடற்கரைக்கு பக்தர்கள் யாரும் 2 நாட்கள் வர வேண்டாம் என்று கோவில் நிர்வாகம் அறிவுறுத்தியுள்ளது. தூத்துக்குடியில் காலை முதல் மீண்டும் கனமழை பெய்து வருகிறது; முத்தையாபுரம்,முள்ளக்காடு, தங்கம்மாள் புரம் உள்ளிட்ட பகுதிகளில் மிக கனமழை; இதனால் தூத்துக்குடி- திருச்செந்தூர் இடையிலான போக்குவரத்து நிறுத்தப்பட்டுள்ளது.