துாத்துக்குடி; துாத்துக்குடி அருகே அய்யனடைப்பு பகுதியில் அமைந்துள்ள ஸ்ரீ மஹா பிரத்தியங்கிராதேவி கோவிலில் தை மாத ஸர்வ மஹாளய அமாவாசையை முன்னிட்டு சிறப்பு வழிபாடு நேற்று நடந்தது. காலை 9:30 மணிக்கு சிறப்பு மஹா யாகத்திற்கான வழிபாடுகள் கணபதி, நவக்கிரக ஹோமம், பிரத்தியங்கிரா, காலபைரவர் ஹோமத்துடன் துவங்கியது. மதியம் 12:30 மணிக்கு சித்தர் பீடத்தின் நிர்வாகி சீனிவாச சித்தர் தலைமையில் ஒரு லட்சத்து 8 எலுமிச்சை பழங்கள் கொண்டு மஹா வசீகர யாகம் நடந்தது. தொடர்ந்து, பிரத்தியங்கிராதேவிக்கும், காலபைரவருக்கும் பால், தயிர், பன்னீர், புஷ்பம், இளநீர் உள்ளிட்ட 16 வகையான அபிஷேகமும், மஹா தீபாராதனையும் நடந்தது. தொடர்ந்து இரவு 7:00 மணிக்கு சிறப்பு மஹா யாக வழிபாடுகள் நிறைவு வழிபாடும், இரவு 8:00 மணிக்கு மஹா தீபாராதனையும் நடந்தது. நிகழ்ச்சியில், நடிகை தர்ஷா குப்தா மற்றும் வெளிநாடுகளை சேர்ந்த பக்தர்கள் உள்பட ஏராளமானோர் கலந்து கொண்டனர். கடன் பிரச்னை நீங்கிடவும், பணம் கொழித்து செல்வவளம் பெருகிடவும், நோயில்லாத நல்வாழ்வு அமைந்திடவும், நினைத்த காரியங்கள் நடந்திடவும் வேண்டி யாகம் நடந்ததாக கோவில் நிர்வாகி சீனிவாச சித்தர் தெரிவித்தார்.