திருவண்ணாமலை; திருவண்ணாமலை, அருணாசலேஸ்வரர் கோவிலில், காஞ்சி காமகோடி பீடாதிபதி விஜயேந்திரர் சரஸ்வதி சுவாமிகள் வழிபாடு நடத்தினார். அவருக்கு கோவில் நிர்வாகம் சார்பில் பூரண கும்ப மரியாதை அளிக்கப்பட்டது.  

திருவண்ணாமலை அருணாசலேஸ்வரர் கோவிலில், நேற்று மாலை காஞ்சி காமகோடி பீடாதிபதி ஜகத்குரு ஸ்ரீசங்கர விஜயேந்திர சரஸ்வதி சுவாமிகள் வருகை தந்தார். அவருக்கு, கோவில் நிர்வாகம் சார்பில் பூரண கும்ப மரியாதை அளித்து, கோவில் குருக்கள்  வரவேற்றனர். பின்னர், அவர் விநாயகர், அருணாசலேஸ்வரர், உண்ணாமுலையம்மனை தரிசனம் செய்தார். முன்னதாக, திருவண்ணாமலை கிரிவலப்பாதையிலுள்ள சங்கர மடத்தில் கடந்த, 20ம் தேதி முதல், உலக நன்மைக்காகவும், இயற்சை சீற்ற இடர்பாடுகள் அறவே நீங்க வேண்டி, ஸ்ரீமஹா திரிபுரசுந்தரி சமேத ஸ்ரீசந்திரமவுலீஸ்வரர்  பூஜை மற்றும் வேதபாரணயம், சதசண்டி ஹோமம், காம்யார்த்த ஹோமம் கடந்த, 28ம் தேதி வரை நடந்தது. இதில், காஞ்சி காமகோடி பீடாதிபதி ஜகத்குரு ஸ்ரீ சங்கர விஜயேந்திர சரஸ்வதி சுவாமிகள் பங்கேற்றார். நேற்று முன்தினம் இரவு, ஹிந்து சமய மன்றம் மற்றும் பக்தி நெறி பயிலரங்கத்தில் பேசிய ஸ்ரீசங்கர விஜயேந்திர சரஸ்வதி சுவாமிகள், ‘சங்கர மடம் மூலம் பல்வேறு நலப்பணிகள் நடந்து வருகின்றன. குறிப்பாக, சமுதாயப்பணிகள், கல்வி சார்ந்த பணிகள், கன்னியாகுமரி முதல், காஷ்மீர் வரை, கலாசார பாரம்பரிய பாதுகாப்பு பணிகள்,  கிராமப்புற மாணவர்களுக்கு சிறந்த கல்வி அளிக்கப்பட்டு வருகிறது’ என்றார்.