பரமக்குடி; பரமக்குடி முத்தாலம்மன் கோயில் கும்பாபிஷேக விழாவையொட்டி மூலவருக்கு பாலபிஷேகம் நடந்தது.

பரமக்குடி முத்தால பரமேஸ்வரி அம்பாள் கோயில் மகா கும்பாபிஷேக விழா ஜன. 4 துவங்கியது. நேற்று காலை பால் அபிஷேகம் நடந்தது. இன்று காலை 7:00 மணிக்கு மீனாட்சி சுந்தரேஸ்வரர் கோயிலில் இருந்து தீர்த்தங்கள் எடுத்து யாகசாலை பிரவேசம் நடந்தது. தொடர்ந்து முதல் கா யாக பூஜைகள் துவங்கிய நிலையில், ஜன. 10 காலை 7:00 மணிக்கு 6ம் கால யாக பூஜை, பூர்ணாகுதி நடக்க உள்ளது. 9:10 மணிக்கு மேல் மூலஸ்தான விமானம், ராஜகோபுரம் என மகா கும்ப அபிஷேகமும், மூலவர் மற்றும் பரிவார தேவதைகளுக்கு மகா அபிஷேகம் நடக்க உள்ளது. ஏற்பாடுகளை தேவஸ்தான பரம்பரை டிரஸ்டிகள், ஆயிர வைசிய சபையினர் செய்துள்ளனர்.