பதிவு செய்த நாள்
06
டிச
2012
11:12
செஞ்சி: கீழ்மாம்பட்டு அம்மச்சார் அம்மன் கோவில் கும்பாபிஷேகம் வரும் 9ம் தேதி நடக்கிறது. செஞ்சி தாலுகா கீழ்மாம்பட்டில் உள்ள செல்வ விநாயகர், ஸ்ரீநிவாச பெருமாள், அம்மச்சார் அம்மன் கோவில் அஷ்டபந்தன மகா கும்பாபிஷேகம் வரும் 9ம் தேதி நடக்கிறது. இதை முன்னிட்டு நாளை அதிகாலை 4 மணிக்கு தேவதா பிரார்த்தனை, விக்னேஸ்வர பூஜை, யஜமான அனுக்ஞை, மகா கணபதி ஹோமம், நவக்கிரக ஹோமம், குபேர மகா லட் சுமி ஹோமம், கோபூஜை, தனபூஜை நடக்கிறது. தொடர்ந்து 8ம் தேதி காலை இரண்டாம் கால யாகசாலை பூஜைகள், மாலை மூன்றாம் கால யாகசாலை பூஜைகளும், பிம்ப ஸ்தாபனமும் நடக்க உள்ளது. வரும் 9ம் தேதி காலை 9.10 மணிக்குமேல் செல்வ விநாயகர் கோவில், ஸ்ரீநிவாச பெருமாள் கோவில் மற்றும் அம்மச்சார் அம்மன் கோவில் மகா கும்பாபிஷேகம் நடக்கிறது. இந்நிகழ்ச்சியில் மேல்மருவத்தூர் பங்காரு அடிகளார், எம்பார் ஜீயர் சுவாமிகள், பாம்பன் அருட்சித்தர், சஞ்சீவி ராஜா சுவாமிகள் பங்கேற்கின்றனர். விழா ஏற்பாடுகளை முன்னாள் மத்திய ரயில்வே துறை இணை அமைச்சர் ஏ.கே.மூர்த்தி மற்றும் கீழ்மாம்பட்டு கிராம மக்கள் செய்து வருகின்றனர். விழா நடைபெற உள்ள 7ம் தேதி காலை முதல் 9ம் தேதி இரவு வரை இடைவேளை இன்றி பக்தர்களுக்கு அன்னதானம் செய்ய உள்ளனர்.