மஞ்சூர்; குந்தா தூனேரி கிராமத்தில் மாரியம்மன் திருவிழா கோலாகலமாக கொண்டாடப்பட்டது.

மஞ்சூர் அருகே உள்ள குந்தா தூனேரி கிராமத்தில் ஆண்டு தோறும் மாரியம்மன் திருவிழா வெகு விமரிசையாக கொண்டாடப்பட்டு வருகிறது. நடப்பாண்டு திருவிழாவை ஒட்டி , கடந்த வெள்ளிகிழமை கொடியேற்ற நிகழ்ச்சி நடந்தது. நேற்று காலை , 6:00 மணிக்கு கணபதி பூஜை நடந்தது. தொடர்ந்து , 11:00 மணி அளவில் அலங்கரிக்கப்பட்ட நாராயண மூர்த்தி கோவிலில் நடந்த சிறப்பு பூஜையில் திரளான பக்தர்கள் பங்கேற்று தரிசனம் செய்தனர். இன்று காலை , 10:00 மணிக்கு ஊர் தலைவர் ராமன் தலைமையில் கிராம மக்கள் மேள தாளம் முழங்க அம்மனுக்கு ஆபரணங்கள் எடுத்து செல்லப்பட்டு சிறப்பு பூஜை செய்யப்பட்டது. இதில , திரளான கிராம மக்கள் பங்கேற்று தரிசனம் செய்தனர். பஜனை நிகழ்ச்சி நடந்தது. பாரம்பரிய உடையணிந்து நடனமாடி மகிழ்ந்தனர்.