கொட்டாம்பட்டி: கச்சிராயம்பட்டி தேவியம்பு கருப்பு சுவாமி கோயில் பங்குனி மாத திருவிழாவை முன்னிட்டு பக்தர்கள் 21 நாட்கள் விரதம் இருந்தனர். இன்று காலை குஞ்சரங்குடி பகுதியில் இருந்து பக்தர்கள் பால்குடம் எடுத்து தேவியம்பு கருப்புசாமி கோயில் வழியாக உடையாளி கைலாசபதி கோயிலுக்கு சென்றனர். அங்கு பக்தர்கள் கொண்டு சென்ற பாலை கொண்டு சுவாமிக்கு பாலாபிஷேகம் நடந்தது. பிறகு பக்தர்கள் கோயில் முன்பு பொங்கல் வைத்து கிடாவெட்டி நேர்த்திக்கடன் செலுத்தினர்.

சுவாமி சிலைகள் ஊர்வலம்; மேலூர் : தும்பைபட்டி வீரகாளியம்மன் கோயில் பங்குனி மாத திருவிழா ஏப்.1 துவங்கியது. இன்று ஏப்.4 து. அம்பலகாரன்பட்டியில் இருந்து சுவாமி சிலைகள் மற்றும் பதுமைகளை பக்தர்கள் தும்பை பட்டி வீரகாளியம்மன் கோயிலுக்கு கொண்டு சென்றனர். பிறகு மாவிளக்கு ஏற்றியும், அங்க பிரதட்சனை செய்தும், குழந்தை வரம் கிடைக்கப் பெற்றவர்கள் கரும்புத் தொட்டில் கட்டி நேர்த்திக்கடன் செலுத்தினர்.

பக்தர்கள் கிடாவெட்டி பொங்கல்; மேலூர் : கிடாரிப்பட்டி காடு காவல் அம்மன் கோயில் பங்குனி திருவிழாவை முன்னிட்டு இன்று காலை பக்தர்கள் கோயில் வீட்டிலிருந்து அய்யனார் கோயிலுக்கு சென்றனர் அங்கு பூசாரி பொங்கல் வைத்து சுவாமி கும்பிட்டனர். அதனைத் தொடர்ந்து காடு காவல் அம்மன் கோயில் முன்பு 50 க்கும் மேற்பட்ட ஆடுகள் வெற்றி நூற்றுக்கும் மேற்பட்ட பக்தர்கள் பொங்கல் வைத்து நேர்த்திக்கடன் செலுத்தினர். 35 ஆண்டுகளுக்குப் பிறகு இத்திருவிழா நடைபெறுவது குறிப்பிடத்தக்கது.