அவிநாசி; திருமுருகன் பூண்டி விஜிவி ஸ்ரீ கார்டன் பகுதியில் எழுந்தருளியுள்ள ஸ்ரீ வெற்றி விநாயகர் கோவிலில் இரண்டாம் ஆண்டு கும்பாபிஷேக விழா நடைபெற்றது.

அவிநாசி வட்டம், திருமுருகன்பூண்டி நகராட்சிக்குட்பட்ட விஜிவி ஸ்ரீ கார்டனில் எழுந்தருளியுள்ள ஸ்ரீ வெற்றி விநாயகர் கோவிலில் இரண்டாம் ஆண்டு கும்பாபிஷேக விழாவை முன்னிட்டு கடந்த 23ம் தேதி திருமுருகநாதர் கோவிலில் இருந்து 50க்கும் மேற்பட்ட பெண்கள் தீர்த்த குடம் எடுத்து ஊர்வலமாக வந்தனர். இன்று கணபதி ஹோமம்,வெற்றி விநாயகருக்கு அபிஷேக ஆராதனை, மகா தீபாராதனை ஆகியவை நடைபெற்றது. அதனை தொடர்ந்து 108 சங்கு பூஜை நடைபெற்றது. கோவில் கமிட்டி மற்றும் விஜிவி ஸ்ரீ கார்டன் குடியிருப்பு வாசிகள் சார்பில் பக்தர்களுக்கு அன்னதானம் வழங்கப்பட்டது.