அயோத்தி ; அயோத்தியில் உள்ள ஸ்ரீ ராம ஜென்மபூமியில் வசந்த பஞ்சமியை முன்னிட்டு, பிரபு ஸ்ரீ ராமலல்லா சர்க்காருக்கு குலால் பூசப்பட்டு ஹோலி மகோற்சவம் முறைப்படி தொடங்கி வைக்கப்பட்டது. பாலராமரின் தரிசனம் காண ஏராளமான பக்தர்கள் குவிந்தனர்.

வசந்த பஞ்சமி, வட இந்தியாவில் கொண்டாடப்படும் சிறப்பான விழாக்களில் ஒன்றாகும். இது ரிஷி பஞ்சமி, ஸ்ரீ பஞ்சமி என்று அழைக்கப்படுகிறது. வட இந்தியாவில் வசந்த பஞ்சமி நாளில் வீடுகளிலும், கோயில்களிலும் சிறப்பு வழிபாடு நடைபெறுகிறது. நேற்று வசந்த பஞ்சமியை முன்னிட்டு, அயோத்தி ராமர் கோயிலில் சிறப்பு வழிபாடு நடைபெற்றது. சிறப்பு அலங்காரத்தில் வில்லேந்தி நின்ற பாலராமரின் தரிசனம் கண்டு பக்தர்கள் பரவசமடைந்தனர். லட்சக்கணக்கான பக்தர்கள் காத்திருந்து தரிசனம் செய்தனர். 

வசந்த பஞ்சமி திருநாளையொட்டி, ஸ்ரீ ராம ஜென்மபூமி கோவிலில் பிரபு ஸ்ரீ ராமலல்லா சர்க்காருக்கு குலால் பூசப்பட்டு ஹோலி மகோற்சவம் முறைப்படி தொடங்கி வைக்கப்பட்டது. நேற்று வசந்த பஞ்சமி அன்று, பிரபு ஸ்ரீ ராமலல்லா சர்க்காரின் கன்னங்களில் மென்மையாக குலால் பூசப்பட்டது. இந்தச் சடங்கு ஹோலி பண்டிகை வரை தினமும் தொடரும். இந்த கொண்டாட்டத்தின் ஒரு பகுதியாக, அர்ச்சகர்களும் ஒருவருக்கொருவர் குலால் பூசிக்கொண்டனர். நிறுவப்பட்ட பாரம்பரியத்தின்படி, ஹோலிப் பண்டிகை வசந்த பஞ்சமி நாளிலிருந்தே தொடங்குவதாகக் கருதப்படுகிறது.