திருப்போரூர்: திருப்போரூர் கந்தசுவாமி கோவிலில் இன்று, தைப்பூச தெப்ப உத்சவம் நடைபெறுகிறது.

திருப்போரூர் கந்தசுவாமி கோவிலில், ஆண்டுதோறும் தைப்பூச விழா விமரிசையாக கொண்டாடப்படும். இரவு, தெப்ப உத்சவம் நடக்கும். அந்த வகையில் இன்று இரவு 7:00 மணிக்கு, தைப்பூச தெப்ப உத்சவம் நடைபெறுகிறது.

கந்தசுவாமி கோவில் சரவண பொய்கை குளத்தில், அலங்கரிக்கப்பட்டுள்ள தெப்பத்தில், உற்சவர் கந்தசுவாமி பெருமான் சிறப்பு அலங்காரத்தில் வள்ளி – தெய்வானையுடன் எழுந்தருளுவார். குளத்தில் மூன்று முறை வலம் வந்து, பக்தர்களுக்கு அருள்பாலிப்பார். அதன் பின், மாடவீதிகளில் சுவாமி வீதியுலாவும் நடைபெறும்.

இதற்காக, குளத்தில் தெப்பம் உருவாக்கும் பணிகள், கடந்த இரண்டு நாட்களாக நடைபெற்று வருகின்றன. இதேபோல திழுக்கழுக்குன்றம் வேதகிரீஸ்வரர் கோவிலில் நாளை, நாளை மறுநாள் என, இரு நாட்கள் தெப்ப திருவிழா நடைபெற உள்ளது.