சின்னசேலம்: சின்னசேலம் சிவன் கோவிலில் நேற்று முன்தினம் சனிப்பெயர்ச்சி சிறப்பு பூஜை நடந்தது.

சின்னசேலம் சிவன் கோவிலில் சனிப்பெயர்ச்சியையொட்டி நேற்று முன்தினம் காலை விக்னேஸ்வர பூஜை, கணபதி பூஜை நடந்தது. தொடர்ந்து சனி பகவானுக்கு சிறப்பு அபிஷேகம் மற்றும் அலங்காரம் செய்து மகா தீபராதனை காண்பிக்கப்பட்டது. பூஜைகளை சீனு குருக்கள் தலைமையிலான குழுவினர் செய்தனர். இதில் பக்தர்கள் பலர் பங்கேற்றனர். அதேபோல், கன்னிகா பரமேஸ்வரி அம்மன் கோவில், செல்வ முருகன் கோவில், வேதவல்லி மாரியம்மன் கோவில்களில் சனி பெயர்ச்சி சிறப்பு பூஜைகள் நடந்தது.