பேத்தமங்களா: பேத்தமங்களாவில் உள்ள ஸ்ரீ பிரசன்ன விஜயேந்திர சுவாமி கோவிலில் பிரம்மோத்சவம் நேற்று நடந்தது.

பேத்தமங்களாவில் ஸ்ரீ பிரசன்ன விஜயேந்திர சுவாமி கோவில் உள்ளது. இக்கோவிலின் 58ம் ஆண்டு பிரம்மோத்சவம் நேற்று நடந்தது. காலையில் சுவாமிக்கு அபிஷேகம், சிறப்பு அலங்காரம், ஆராதனைகள் நடந்தன. இதை தொடர்ந்து மலர்களால் அலங்கரிக்கப்பட்ட ரதத்தில் சுவாமி நகர்வலம் புறப்பட்டார். தங்கவயல் தொகுதி காங்கிரஸ் எம்.எல்.ஏ., ரூபகலா துவக்கி வைத்தார்.

பேத்தமங்களா கிராமத்தில் பல்வேறு கிராமங்களில் இருந்து ஏராளமான பக்தர்கள் வந்து சுவாமியை தரிசித்தனர். பல இடங்களிலும் பிரசாதம், பழரசம், மோர், பானகம், குடிநீர் வழங்கினர். பலத்த போலீஸ் பாதுகாப்பு போடப்பட்டிருந்தது.