அருப்புக்கோட்டை: அருப்புக்கோட்டை சொக்கலிங்கபுரம் மீனாட்சி சொக்கநாதர் கோயிலில் ஆனி பிரம்மோற்ஸவத்தை முன்னிட்டு திருக்கல்யாணம், தேரோட்டம் நடந்தது.

கோயிலில் ஆனி பிரம்மோற்ஸவ விழா ஜூன் 18ல் கொடியேற்றத்துடன் துவங்கியது. தினமும் ஒவ்வொரு வாகனத்தில் மீனாட்சி சொக்கநாதர் பக்தர்களுக்கு அருள் பாலிப்பர். நேற்று முன்தினம் இரவு 8.30 மணிக்கு மீனாட்சி திருக்கல்யாணம் நடந்தது.

ஆயிரக்கணக்கான பெண்கள் கலந்து கொண்டனர். பெண்களுக்கு மஞ்சள், குங்குமம், தாலி வழங்கப்பட்டது. நேற்று மாலை 6:00 மணிக்கு சுவாமி ஊர்வலமாக கொண்டுவரப்பட்டு தேரில் வைத்து பூஜைகள் செய்யப்பட்டது. பின் தேரோட்டம் நடந்தது.