செஞ்சி: முக்குணம் பெரியாண்டவர் கோவிலில் நடந்த மகா கும்பாபிஷேகத்தில் திரளான பக்தர்கள் கலந்து கொண்டனர்.

செஞ்சி அடுத்த முக்குணம் கிராமத்தில் உள்ள பெரியாண்டவர், பெரியாயி அம்மன் கோவில் திருப்பணிகள் செய்து அஷ்டபந்தன மகா கும்பாபிஷேகம் இன்று நடந்தது. இதையொட்டி கடந்த 23ம் தேதி காலை 6 மணிக்கு கணபதி ஹோமம், நவக்கிரக ஹோமம், மாலை 4 மணிக்கு அங்குரார்ப்பணம், வாஸ்து சாந்தி, முதல் கால யாக பூஜை நடந்தது. இன்று 24-ம் அதிகாலை 5.30 மணிக்கு இரண்டாம் கால யாக பூஜை, நாடி சந்தானமும், 8.30 மணிக்கு மகா பூர்ணாஹுதியும், தொடர்ந்து கடம் புறப்பாடும் 9.25 மணிக்கு மகா கும்பாபிஷேகமும் நடந்தது. தொடர்ந்து மூலவர் மகா அபிஷேகம், தீபாராதனை நடந்தது. யாகசாலை பூஜைகளை முத்தையா குருக்கள் தலைமையிலான சிவாச்சாரியார்கள் செய்தனர். இதில் திரளான பக்தர்கள் கலந்து கொண்டனர். பக்தர்களுக்கு அன்னதானம் வழங்கினர்.