வடவள்ளி: நவாவூர் பிரிவில் உள்ள பஞ்சமுக ஆஞ்சநேயர் கோயிலில், புரட்டாசி மாத மூன்றாவது சனிக்கிழமையையொட்டி, ஆஞ்சநேயருக்கு 10,008 வடைமாலை அலங்காரம் செய்யப்பட்டது.

நவாவூர் பிரிவில், பஞ்சமுக ஆஞ்சநேயர் கோயில் உள்ளது. இக்கோயிலில், புரட்டாசி மாத சனிக்கிழமைகளில் சிறப்பு பூஜை, அலங்காரம் செய்யப்பட்டு வருகிறது.

நேற்று காலை 6:00 மணிக்கு, நடை திறக்கப்பட்டு, பஞ்சமுக ஆஞ்சநேயருக்கு சிறப்பு அபிஷேகம் செய்யப்பட்டது. 10,008 வடை மாலை கொண்டு அலங்கரிக்கப்பட்டது. சிறப்பு பூஜை நடந்தது. ஏராளமான பக்தர்கள் குடும்பத்துடன் சாமி தரிசனம் செய்தனர்.