ஊட்டி: ஊட்டி ஸ்ரீனிவாச பெருமாள் கோவிலில் புரட்டாசி மாத சனிக்கிழமைகளில் சிறப்பு பூஜைகள் மற்றும் வழிபாடுகள் விமரிசையாக நடந்தது. மூன்றாவது புரட்டாசி சனிக்கிழமை முன்னிட்டு சிறப்பு பூஜை நடந்தது. அதிகாலை முதலே சிறப்பு அபிஷேகங்கள், அலங்காரங்கள் மற்றும் தீபாராதனைகள் நடத்தப்படுகின்றன. பக்தர்கள் ‘கோவிந்தா கோவிந்தா’ என்ற பக்தி கோஷத்துடன் திரளான பக்தர்கள் வந்து பெருமாளை தரிசனம் செய்தனர். அதேபோல், ஊட்டி பழைய அக்ரஹாரம் பகுதி உள்ள ஸ்ரீ ஆஞ்சநேயர் கோவிலில் புரட்டாசி மூன்றாவது சனிக்கிழமை முன்னிட்டு சிறப்பு பூஜை நடந்தது இதில் ஆஞ்சநேயர் ராஜகோபாலன் அலங்காரத்தில் பக்தர்களுக்கு காட்சியளித்தார். மாவட்டத்தில் உள்ள பெருமாள் கோவில்களில் புரட்டாசி சனிக்கிழமை சிறப்பு பூஜையில் திரளான பக்தர்கள் தரிசனம் செய்தனர். அன்னதான நிகழ்ச்சி நடந்தது.