அரியலூர்: காளியம்மன் கோவிலில் வரும், 9 மற்றும், 10 ஆகிய இரண்டு நாட்களும், மஹா சண்டி ஹோமம் நடக்கிறது.தை அமாவாசயை முன்னிட்டு அரியலூர் ஸ்ரீமஹா காளியம்மன் கோவிலில், வரும், 9ம் தேதி சனிக்கிழமை, 10ம் தேதி ஞாயிற்றுகிழமை உள்ளிட்ட, இரண்டு நாட்களும், மகா நவசண்டி ஹோமம் நடக்கிறது.இதுகுறித்து அரியலூர் வக்கீல் முருகன் வெளியிட்ட அறிவிப்பு:அரியலூர் விளாங்காரத் தெருவைச் சேர்ந்த அமாவாசை, பவுர்ணமி கூட்டு வழிபாட்டு குழுவினர் சார்பில் நடத்தப்படும், மேற்கண்ட மகா சண்டி ஹோமத்தில் பங்கேற்பதன் மூலம், அவரவர் ஜாதகப்படி ஏழரை சனி, அஷ்டம சனி, செவ்வாய் தோஷம், ராகு, கேதுக்களால் ஏற்படும் தார தோஷம், கால சர்ப்ப தோஷம், நாக தோஷம், குழந்தைகளுக்கு ஏற்படும் பாலரிஷ்டம் போன்ற கிரக தோஷங்கள் விலகிடும்.மேலும் மாந்திரீகத்தால் ஏற்படும் செய்வினை எனப்படும் ஏவல், பில்லி சூனியம் போன்ற துஷ்ட தேவைகள் தொடராமல் இருக்கவும், தீய ஆவிகளின் சேஷ்டைகள் நீங்கிடவும், வம்பு, வழக்குகளிலிருந்து வெற்றி பெறவும் வழி ஏற்படும். பொதுமக்கள், பக்தர்கள் உள்ளிட்ட பலரும் திரளாக பங்கேற்று அம்மன் அருள் பெறுமாறு கேட்டு கொள்கிறேன்.