திருப்பூர்: திருப்பூர் ஸ்ரீவிஸ்வேஸ்வர சுவாமி கோவிலில் நவராத்திரியை முன்னிட்டு 9 நாட்களும் சிறப்பு பூஜைகள் மற்றும் பல்வேறு பள்ளிகளின் மாணவ, மாணவியரின் கலைநிகழ்ச்சிகள், சொற்பொழிவுகள் உள்ளிட்ட நிகழ்ச்சிகள் நடக்கின்றன.

பிரேமா கல்வி நிறுவனங்கள், திருப்பூர் வடக்கு ரோட்டரி சங்கம், நவராத்திரி விழாக்குழு, ஸ்ரீ விக்னேஷ்வரா உள்ளிட்ட அமைப்புகள் இணைந்து நடத்தும் நவராத்திரி விழா, கடந்த 11- முதல் 19-ம் தேதி வரை தினமும் மாலை நேரங்களில் நடைபெறுகிறது. காலை, இரவு இருவேளைகளிலும் பக்தர்களுக்கு பிரசாதங்கள் வழங்கப்படுகின்றன. தினமும் மாலை நேரங்களில் பல்வேறு பள்ளிகளைச் சேர்ந்த மாணவ, மாணவியரின் கலைநிகழ்ச்சிகள், நாட்டியங்கள், இன்னிசை உள்ளிட்ட நிகழ்ச்சிகள் நடக்கின்றன. சிறப்புச் சொற்பொழிவுகளும் இடம்பெறுகின்றன.

வரும் 11-ம் தேதி சென்னை ஸ்ரீ சண்முக பாகவதரின் பக்தி இன்னிசை மற்றும் பிரபல கலை நிறுவனங்களின் நாட்டிய நிகழ்ச்சி நடைபெற உள்ளது. அதைத்தொடர்ந்து, பல்வேறு பள்ளிகளைச் சேர்ந்த மாணவ, மாணவியரின் கலைநிகழ்ச்சிகள் நடைபெற உள்ளன. ஒன்பது நாட்களும் பல்வேறு கலைநிகழ்ச்சிகள் நடக்கின்றன.

திருப்பூர் வடக்கு ரோட்டரி நவராத்திரி விழாக்குழுவினர் ஏற்பாடுகளைச் செய்துள்ளனர்.