அவிநாசி: அவிநாசி அருகே வேட்டுவபாளையத்தில் எழுந்துருளியுள்ள ஸ்ரீ பத்ரகாளி அம்மன் கோவிலில் 500க்கும் மேற்பட்ட பக்தர்கள் "ஓம் சக்தி பராசக்திகோஷத்துடன் குண்டம் இறங்கி வழிபட்டனர்.

அவிநாசி அடுத்த வேட்டுவ பாளையத்தில் எழுந்தருளியுள்ள ஸ்ரீ பத்ரகாளியம்மன் கோவிலில் 2026ம் ஆண்டு குண்டம் திருவிழா கடந்த 18ம் தேதி பொட்டுச்சாமி பொங்கல் விழாவுடன் துவங்கியது. அதனைத் தொடர்ந்து சாமி சாட்டுதல், கொடி கட்டுதல், குண்டம் திறக்கும் நிகழ்ச்சி ஆகியவை நடைபெற்றது. முக்கிய நிகழ்வான குண்டம் இறங்கும் விழாவில் இன்று அதிகாலை அம்மை அழைத்தல் நிகழ்ச்சி நடந்தது. அதனைத் தொடர்ந்து சிறுமிகள், பெண்கள் உள்ளிட்ட 500க்கும் மேற்பட்ட பக்தர்கள் "ஓம் சக்தி பராசக்தி கோஷத்துடன் குண்டம் இறங்கி பத்ரகாளியம்மனை வழிபட்டனர். பின்னர் சப்பரத்தில் சுவாமி திருவீதி உலா, மாவிளக்கு ஊர்வலம் ஆகியவை நடைபெற்றது. நாளை மறுபூஜையுடன் குண்டம் திருவிழா நிறைவு பெறுகிறது. கோவில் விழா கமிட்டி மற்றும் ஊர் பொதுமக்கள் சார்பில் பக்தர்களுக்கு அறுசுவை விருந்து வழங்கினர்.