திருச்செந்தூர்: திருச்செந்தூர் சுப்பிரமணிய சுவாமி கோயில் பங்குனி உத்திர திருவிழா வரும் 26ம் தேதி நடக்கிறது. இதனை முன்னிட்டு கோயில் அதிகாலை 4.00 மணிக்கு நடை திறக்கப்பட்டு 4.30 மணிக்கு விஸ்வரூபம், 5 மணிக்கு உதயமார்த்தாண்ட அபிஷேகம் நடைபெற்று வள்ளியம்மன் தபசுக்கு புறப்பாடு நடக்கிறது. மதியம் 2.30 மணிக்கு சாயரட்சை தீபாராதனை, மாலை 4.30 மணிக்கு சுவாமி புறப்பாடு மற்றும் சுவாமி அம்பாள் தோள்மாலை மாற்றும் நிகழ்ச்சி நடைபெற்று திருவீதி வலம் வருதல், இரவு 108 மகாதேவா சன்னதி முன்பு வைத்து திருக்கல்யாணம் நடக்கிறது. கோயிலின் உபகோயிலான நாலுமூலைக்கிணறு குன்றுமேலய்யன் சாஸ்தா கோவிலில் பங்குனி உத்திரத்தை முன்னிட்டு சிறப்பு அபிஷேகம், அலங்காரம், தீபாராதனை நடைபெறுகிறது. பக்தர்களுக்கு தேவையான குடிநீர், மின்சாரம் மற்றும் பந்தல் வசதிகளும் கோயில் நிர்வாகம் செய்துள்ளது. விழாவிற்கான ஏற்பாடுகளை கோயில் தக்கார் கோட்டை மணிகண்டன் , இணை ஆணையர் (பொறுப்பு) ஜெயராமன் மற்றும் கோயில் பணியாளர்கள் செய்து வருகின்றனர்.