திருப்பாலைவனம்: திருப்பாலீஸ்வரர் திருக்கோவில் பிரம்மோற்சவ விழாவில், இன்று (23ம்தேதி) தேர்த் திருவிழா நடைபெறுகிறது.பொன்னேரி - பழவேற்காடு சாலையில் உள்ள திருப்பாலைவனம், லோகாம்பிகை உடனுறை திருப்பாலீஸ்வரர் திருக்கோவில், பிரம்மோற்சவ விழா கடந்த, 17ம் தேதி, கொடியேற்றத்துடன் துவங்கியது.திருக்கோவில் திருத்தேர் சிதிலமடைந்து போனதால், 45 லட்சம் ரூபாய் செலவில், புதிய தேர் தயார் செய்யப்பட்டு, 2012 அக்டோபர் மாதம் வெள்ளோட்டம் விடப்பட்டது. பிரம்மோற்சவ திருவிழாவில், இன்று காலை, 8:00 மணிக்கு புதிய தேரில், உற்சவ பெருமான் வீதி உலா வருகிறார். தேர்த் திருவிழா ஏற்பாடுகளை கோவில் நிர்வாகம் செய்து உள்ளது.