மதுரை: மதுரை சவுராஷ்டிரா ஆண்கள் மேல்நிலைப் பள்ளி மற்றும் கீதா நடன கோபால மந்திரில், புருஷ சூக்த ஹோமம் இம்மாதம் 31 மற்றும் ஏப்., 1ல் நடக்கிறது. சென்னை தி.நகர் ஸ்ரீஞான அத்வைத பீடம் சார்பில் நடத்தப்படும் இந்த ஹோமத்தை, பீடத்தின் சத்குரு ஞானானந்த சரஸ்வதி சுவாமி சார்பில், குருபாய் ஸ்ரீஹரி பிரசாத் நடத்துகிறார். புருஷ சூக்த ஹோமம் மகாவிஷ்ணுவுக்காக நடத்தப்படுகிறது. அத்துடன் லட்சுமியை வழிபடும் ஸ்ரீசூக்த ஹோமம், சிறந்த கல்விக்காக ஆவஹண்டி ஹோமம், சிறந்த எதிர்காலத்திற்காக பாக்ய சூக்த புஷ்பாஞ்சலி, மன ஒருமைக்காக சரஸ்வதியை வேண்டும், ஸ்ரீவித்யா ராஜகோபால பூஜை ஆகியவையும் நடத்தப்படுகிறது. ஹோமம் காலை 9:30க்கு தொடங்கி 12:30 வரை நடக்கும். அதைத் தொடர்ந்து மாலை 4:00 மணி முதல் 6:00 மணி வரை பந்தடி 5வது தெரு, 61/14 எண் வீட்டில், குருபாய் ஹரிபிரசாத், பக்தர்களுக்கு அருளாசி வழங்குகிறார். ஏப்., 1ல் மாரியம்மன் தெப்பக்குளம் மேற்கு வீதி கீதா நடன கோபால நாயகி மந்திரில் ஹோமம் நடக்கிறது. ஏப்., 2ல் பந்தடி 5வது தெரு வீட்டில் காலை 9:30 மணி முதல் 12:00 மணி வரையும், மாலை 4:00 மணி முதல் 6:00 மணி வரையும் அருளுரை வழங்குவார். பக்தர்கள், சுவாமியை நேரில் சந்தித்து ஆசி பெறலாம். ஹோமத்தில் பங்கேற்போர் 98940 33247ல் தொடர்பு கொள்ளலாம்.