மதுரை மீனாட்சி அம்மன் கோயிலுக்கு, பயங்கரவாதிகள் அச்சுறுத்தல் உள்ளது.  இதனால், பல்வேறு பாதுகாப்பு நடவடிக்கைகள் எடுக்கப்பட்டு வருகின்றன. இதன் ஒருபகுதியாக, 5 கோபுரங்களிலும், பக்தர்களின் பொருட்களை ஸ்கேன்  செய்யும் கருவிகளை அமைக்க போலீசார் பரிந்துரைத்தனர். இதைஏற்று, கோயில்  நிர்வாகம் ரூ.86 லட்சத்தில்,  5 ஸ்கேனர்களை வாங்கியுள்ளது.  பொருட்கள் வைப்பறையில் இவை  வைக்கப்படவுள்ளன. பெரிய பொருட்கள் என்றால், ஸ்கேன் செய்து அந்த  அறையிலேயே பாதுகாக்கப்படும். சிறிய பொருட்கள் என்றால், பாலிதீன் கவரால் மூடப்பட்டு, போலீசாரால் "லாக் செய்யப்படும். ஒருவாரத்தில் இந்நடைமுறை அமலுக்கு வருகிறது.