சென்னை: சென்னையில் திருவையாறு நிகழ்ச்சியில், இன்று பல்வேறு கலைஞர்கள், இசைக் கச்சேரிகள் நடத்துகின்றனர். காமராஜர் அரங்கத்தில் நடந்து வரும், "சென்னையில் திருவையாறு மார்கழி மாத இசை நிகழ்ச்சியின், இரண்டாம் நாள் விழா, நேற்று நடந்தது. காலையில் நடந்த நிகழ்ச்சிகளில், நித்யஸ்ரீ மகாதேவனின் வாய்ப்பாட்டு; உடையாளூர் கல்யாணராமனின் நாம சங்கீர்த்தனம்; மகாலட்சுமியின் பரதநாட்டியம்; பிரசன்னாவின் கிதார் நிகழ்ச்சிகள் நடந்தன. மாலையில், மது அய்யர் மற்றும் ராகினிஸ்ரீ, ஹரிச்சந்திரன், பிரியா சகோதரிகள் ஆகியோரின் வாய்ப்பாட்டு; ராஜேஷ் வைத்யாவின் வீணை; ஸ்டீபன் தேவஸியின், "கீ போர்டு நிகழ்ச்சிகள் நடந்தன. இன்று காலை, மங்கையர்க்கரசியின் ஆன்மிக சொற்பொழிவு; காவ்ய லட்சுமியின் பரதநாட்டியம்; கே.வி.பிரசாத் மற்றும் குழுவினரின், இசை நிகழ்ச்சி; ஸ்ரீரஞ்சனி சாந்தகோபாலன், சாருலதா மணி, ரஞ்சனி காயத்ரி சகோதரிகள், மல்லாடி சகோதரர்கள் வாய்ப்பாட்டு உள்ளிட்ட நிகழ்ச்சிகள் நடக்க உள்ளன.