திருவள்ளூர் : திருவள்ளூர் வீரராகவ பெருமாள் கோவிலில், சித்திரை பிரம்மோற்சவ விழாவில், கருட சேவை இன்று நடைபெற்றது. திருவள்ளூர் வீரராகவ பெருமாள் கோவிலில், சித்திரை பிரம்மோற்சவ விழா, நேற்று முன்தினம், 4ம் தேதி கொடியேற்றத்துடன் துவங்கியது. அன்று காலை, ஆறு மணியளவில், தங்க சப்பரத்திலும், இரவு 7:30 மணிக்கு சிம்ம வாகனத்திலும் உற்சவர் வீதிஉலா நடந்தது.நேற்று காலை, 6:00 மணிக்கு, ஹம்ச வாகனத்திலும், இரவு 7:00 மணிக்கு சூரியபிரபையிலும் பெருமாள் எழுந்தருளினார்.நேற்று காலை, 9:00 மணிக்கும், மாலை 5:00 மணிக்கும் பத்தி உலா நிகழ்ச்சி நடைபெற்றது.

விழாவின் முக்கிய நிகழ்ச்சிகளில் ஒன்றான கருட சேவை, கோபுர தரிசனம் இன்று காலை 4:00 மணிக்கும், புறப்பாடு காலை 5:30 மணிக்கும், நடைபெற்றது.வரும் 16ம் தேதி வரை நடைபெறும் விழாவிற்கான ஏற்பாடுகளை கோவில் நிர்வாகத்தினர் செய்துள்ளனர்.