திருவள்ளூர்: திருவள்ளூர் வீரராக வர் கோவிலில் சித்திரை பிரம்மோற்சவம், நேற்று காலை கொடியேற்றத்துடன் துவங்கியது.

திருவள்ளூர் வீரராகவர் கோவிலில், சித்திரை மாத பிரம்மோற்சவம், 10 நாட்கள் நடைபெறும். இந்த ஆண்டுக்கான பிரம்மோற்சவம், நேற்று அதிகாலை 5:30 மணிக்கு கொடியேற்றத்துடன் துவங்கியது. தொடர்ந்து, பூதேவி, ஸ்ரீதேவி சமேதராக உற்சவர் வீரராகவர், தங்க சப்பரத்தில் எழுந்தருளி, காலை 6:30 மணிக்கு திருவீதி உலா சென்று, பக்தர்களுக்கு அருள்பாலித்தார். மாலை, சிம்ம வாகனத்தில் நான்கு வீதிகளி லும் உலா வந்தார். இதில், ஏராளமான பக்தர்கள் கலந்து கொண்டு, சுவாமி தரிசனம் செய்தனர்.

இன்று காலை 6:00 மணிக்கு, ஹம்ச வாகனம்; இரவு 7:00 மணிக்கு, சூரிய பிரபை வாகனத்தில் வீதி உலா நடைபெறும். விழாவின் முக்கிய நிகழ்ச்சியான கருடசேவை, நாளை அதிகாலை 4:00 மணிக்கு நடைபெறும். பின், அதிகாலை 5:30 மணிக்கு, கருட வாகன சேவை புறப்பாடு துவங்கும். அன்று இரவு, ஹனுமந்த வாகனம் நிகழ்ச்சியும் நடைபெறும். தேரோட்டம், வரும் 30ம் தேதி அதிகாலை 5:00 மணிக்கு நடைபெறும். 10 நாள் பிரம்மோற்சவம், மே 3ம் தேதி நிறைவடைகிறது.