கடலூர்: கடலூர், மஞ்சக்குப்பம் பகவதி கழுத்து மாரியம்மன் கோவிலில்  சாகை வார்த்தல் விழா நடந்தது. கடலூர், மஞ்சக்குப்பம் பகவதி கழுத்து  மாரியம்மன் கோவிலில்  சாகை வார்த்தல் விழா கடந்த 29ம் தேதி துவங்கியது. அதனையொட்டி தினமும்   காலை 8:00 மணிக்கு அம்மனுக்கு மகா  அபிஷேகமும், இரவு மகா தீபாராதனை நடந்தது. நேற்று காலை கரம் வீதியுலா வந்து அம்மனுக்கு அபிஷேகம் மற்றும் தீபாராதனை நடந்தது.  தொடர்ந்து சாகை வார்த்தலும், இரவு சந்தனக்காப்பு அலங்காரத்தில் அம்மனுக்கு மகா தீபாராதனை நடந்தது.