Left Pillar
 
Top Temple Header
 Press Ctrl+g to toggle between English and Tamil
தேடும் வார்த்தையை ஆங்கிலத்தில் டைப்செய்து ஸ்பேஸ்பார் தட்டவும்.
 
Menu Top

கோயில்கள்
01.  
02.  
03.  
04.  
05.  
06.  
07.  
08.  
09.  
10.  
11.  
12.  
13.  
14.  
15.  
16.  
17.  
18.  
19.  
20.  
21.  
22.  
23.  
24.  
25.  
26.  
27.  
28.  
29.  
30.  
31.  
32.  
33.  
34.  
35.  
36.  
37.  
38.  
Top Decoration
 
Top Design

ஜோசியம்
இறைவழிபாடு
சிவ குறிப்புகள்
ஆன்மீக பெரியோர்கள்
ஆன்மிக தகவல்கள்
பிற பகுதிகள்
bottom design
 

இன்றைய செய்திகள் :
Prev temple news கருப்பர் பதிகம் வேலங்குடி கருப்பர் கவசம்
முதல் பக்கம் » கருப்பசாமி புகழ் மாலை
கோட்டைக் கருப்பர் கும்மி!
எழுத்தின் அளவு:

பதிவு செய்த நாள்

14 ஆக
2015
15:55

கும்மியடி தமிழ்க் கும்மியடி - அந்தக்
கோட்டைக் கருப்பரைக் கும்மியடி!
நம்பிடக் காக்கும் தெய்வமடி! - அது
நல்லருள் தந்து வாழ்த்துமடி!

திருப்புத் தூரிலே கருப்பரடி - அவர்
தித்திக்க வரும் வீரரடி!
உருவம் பெரிய கருப்பரடி - அவர்
உள்ளம் இனிக்கும் வெள்ளமடி!

வெள்ளைக் குதிரையில் கருப்பரடி - அவர்
வீரம் விளைக்கும் தெய்வமடி
அள்ளக் குறையாக் கருணையடி - அவர்
அண்டின பேருக் கருள்வாரடி!

சுக்குமாந் தடி வெட்டருவாள் - அவர்
கறுக்காய் எடுத்து நடைநடந்து
அக்கிமரச் செயல் அழிப்பாரடி! - அவர்
அண்டம் குலுங்கச் சிரிப்பாரடி!

குத்தீட்டி சூலம் கொண்டாடி - அவர்
குதித்து மிதித்து ஓடோடி!
எத்திக்கும் தீப்பொறி பரபரக்க - அவர்
எக்காள மிடுவார் புவி சிறக்க!

வானவெளிப் பொட்டல் அவர்வீடு! - நாம்
வாழ்த்தியே நின்றோம் பண்பாடு!
கான மிசைத்துக் கொட்டுங்கடி - அந்த
கருப்பரைக் காண முந்துங்கடி!

சேமங் குதிரைகள் சித்திரமாம் - நம்
சேம நலங்களும் பத்திரமாம்
நாமம் போற்றிடக் கும்மியடி - அந்த
நாதத் தலைவனை நம்மியடி!

இருட்டு நீக்கிய இதயத்திலே - அவர்
எல்லை காட்டுவார் உதயத்திலே
திருட்டு வேலைகள் தீய்ந்திடவே - அவர்
தீப்பொறி பறக்க விழித்திடுவார்

மையிட்ட கருப்புத் திருமேனி - அவர்
மனமிட்ட பொறுப்பு அருள்ஞானி!
பொய்யிட்ட நெஞ்சில் அன்னியராம் - அவர்
புகழிட்ட வாழ்வின் கன்னியராம்

கோட்டைக் கருப்பரே குலதெய்வம் - அவர்
வேட்டை ஆடிட வருந்தெய்வம்
சேட்டை போக்கும் பெருந்தெய்வம் - அவர்
காட்டைக் கலக்கும் கருந்தெய்வம்!

சங்கிலிக் கருப்பரும் உடன்வருவார் - அவர்
சந்தோஷ எண்ணங்கள் தான் தருவார்!
பொங்கிட அருளும் புகழ்தருவார் - அவர்
போற்றிடக் காத்திடும் தெய்வமம்மா!

குங்குமக் காளியைக் கூப்பிடுவோம் - அவள்
குறைதீர்க்க வருவாள் வாழ்த்திடுவோம்!
பங்கமில்லா அவள் பார்வையிலே - பாவம்
பறந்தோட காண்போம் அருளினிலே!

சூலம் எடுத்தவள் மாகாளி - அவள்!
சுந்தரச் சிந்து பாடுங்கடி!
ஞாலம் காப்பவள் காளியம்மா! - அவள்
ஞானம் காப்பவள் வாழியம்மா!

செக்கச் சிவந்த சேலைகட்டி - காளி
செந்தூரப் பொட்டு நெற்றியிட்டு
பக்கத்தில் வந்து காத்திடுவாள் - பக்திப்
பாட்டுக்குள் சிந்தாய்ப்பூத்திடுவாள்!

 
மேலும் கருப்பசாமி புகழ் மாலை »
temple news
மங்கலத்து நாயகனே மண்ணாளும் முதலிறைவா!பொங்குதன வயிற்றோனே பொற்புடைய ரத்தினமேசங்கரனார் தருமதலாய் ... மேலும்
 
temple news
காப்புகார்மேவு சோலையெலாம் சூழும் ஊரன்கழனியெல்லாம் கொஞ்சுதமிழ் பாடும் வீரன்பார்மேவு வடிவுடையாள் ... மேலும்
 
temple news
திருக்குளமோ பாதாளம் தொட்டு நிற்கத்திகழ்கின்ற கோபுரமோ வானம் முட்டஅருக்கனவன் ஒளிபோலக்கோடிப் ... மேலும்
 
temple news
வயலோரம் புரள்கின்ற கயல்கள் எல்லாம்வடிவுடையாள் கயல் விழியின் வடிவம் காட்டஅயல்நிற்கும் தென்னையெலாம் ... மேலும்
 
temple news
விரித்தபல் கதிர்கொள் சூலம் வெடிபடும் தமறுகங்கைதரித்ததோர் கோல கலா பைரவனாகி வேழம் உரித்துஉமை அஞ்சக் ... மேலும்
 

 தினமலர் முதல் பக்கம்   கோயில்கள் முதல் பக்கம்
Right Pillar
Left Pillar
Copyright © 2022 www.dinamalar.com. All rights reserved.
Right Pillar