வால்பாறை: வால்பாறை ராமர்கோவில் திருவிழா கொடியேற்றத்துடன் துவங்கியது. வால்பாறை அண்ணாநகர் ராமர்கோவிலின், 38ம் ஆண்டு திருவிழா நேற்று காலை, 7:15 மணிக்கு கொடியேற்றத்துடன் துவங்கியது. திருக்கொடியை கோவில் தர்மகர்த்தா தர்மலிங்கம் ஏற்றினார். விழாவில் வரும் 14ம் தேதி இரவு, 12:00 மணிக்கு அம்மனுக்கு சக்தி அழைத்தல் நிகழ்ச்சி நடக்கிறது. வரும் 15ம் தேதி அலங்கரிக்கப்பட்ட தேரில் ஸ்ரீராமர் திருவீதி உலா சென்று பக்தர்களுக்கு அருள்பாலிக்கிறார். வரும், 16ம் தேதி அப்துல்கலாம் இளைஞர் நற்பணி மன்றத்தின் சார்பில் விளையாட்டுப்போட்டிகள் நடத்தப்படுகின்றன. இரவு, 7:00 மணிக்கு தென்றல் அபிநயா வழங்கும் நடனநாட்டிய நிகழ்ச்சியும் நடக்கிறது.இதற்கான ஏற்பாடுகளை கோவில் தலைவர் தமிழ்செல்வன், பொருளாளர் நாகரத்தினம், செயலாளர் சிவரஞ்சன் உட்பட பலர் செய்துவருகின்றனர்.