காஞ்சிபுரம்: காஞ்சிபுரத்தில், ஆருத்ரா உற்சவத்தை ஒட்டி, இன்று இரவு கச்சபேஸ்வரர் கோவிலில், நடராஜருக்கு பல வகையான சிறப்பு அபிஷேகம் நடைபெறுகிறது. ஆண்டுதோறும் கச்சபேஸ்வரர் கோவிலில், ஆருத்ரா உற்சவத்திற்காக, மார்கழி திருவாதிரை அன்று, நடராஜருக்கு சிறப்பு அபிஷேகம் நடைபெறுவது வழக்கம். இன்று இரவு, 10:00 மணிக்கு, அனைத்து வகை வாழைப்பழங்கள் தனித்தனியாக மற்றும் சாத்துக்குடி, மாதுளை, திராட்சை, கொய்யா, பேரீட்சை, பால், தயிர், பன்னீர், நெய், இளநீர், கரும்பு சாறு, சந்தனம், விபூதி, தேன், உள்ளிட்ட, 20க்கும் மேற்பட்ட பொருட்களால் நடராஜப்பெருமானுக்கு அபிஷேகம் நடைபெற உள்ளது. நள்ளிரவு, 12:00 மணிக்கு தீபாராதனை நடைபெறும். மறுநாள் காலை சிறப்பு அலங்காரத்தில் நான்கு ராஜவீதிகளில் நடராஜப் பெருமான் வலம் வருவார். இதே போல், காஞ்சிபுரத்தில் உள்ள அனைத்து சைவ தலங்களில் உள்ள உற்சவர்களும், நாளை, நான்கு ராஜவீதிகளில் வலம் வந்து பக்தர்களுக்கு அருள்பாலிப்பர்.