மதுரை மீனாட்சி அம்மன் சித்திரை திருவிழா: ஏப்.28ல் கொடியேற்றம்
எழுத்தின் அளவு:
பதிவு செய்த நாள்
25மார் 2017 11:03
மதுரை : மதுரை மீனாட்சி அம்மன் கோயில் சித்திரை திருவிழா, ஏப்.,28ல் கொடியேற்றத்துடன் துவங்கி, மே 8ல் தேரோட்டத்துடன் நிறைவு பெறுகிறது.
மீனாட்சி அம்மன் கோயில், சித்திரை திருவிழா ஏப்.,27 ல் வாஸ்து சாந்தியுடன் துவங்குகிறது. முக்கிய நிகழ்ச்சியான ஏப்.,28 ல் காலை 9:50 மணிக்கு மேல், காலை 10:14 மணிக்குள் கொடியேற்றம் நடக்கிறது. மே 5ல் இரவு 6:55 மணிக்கு மேல் இரவு 7:19 மணிக்குள் மீனாட்சி அம்மன் பட்டாபிஷேகம்; மே 6ல் மீனாட்சி அம்மன் திக்குவிஜயம். மே 7ல் காலை 8:35 மணிக்கு மேல் காலை 8:59 மணிக்குள் மீனாட்சி சுந்தரேஸ்வரர் திருக்கல்யாணம். மே 8 ல் காலை 6:00 மணிக்கு திருத்தேரோட்டம் வடம் பிடித்தல் நடக்கிறது.சித்திரை திருவிழா சிறப்பாகவும், பக்தர்களுக்கு வசதிகள் மேம்படுத்தவும் பொது மக்கள் தங்களின் கருத்துக்கள், ஆலோசனைகளை info@maduraimeenakshi.org என்ற கோயில் மின்னஞ்சல் முகவரியில் தெரிவிக்கலாம் என கோயில் நிர்வாகம் கேட்டு கொண்டுள்ளது. ஏற்பாடுகளை தக்கார் கருமுத்து கண்ணன், இணை கமிஷனர் நடராஜன் செய்து வருகின்றனர்.