காஞ்சிபுரம்: காஞ்சிபுரம் அஷ்டபுஜப் பெருமாள் கோவில் குளத்தில், டிச., மாதம் ஏற்பட்ட, ‘வர்தா’ புயல் மழைக்கு, சுவரின் ஒரு பகுதி சரிந்து விழுந்தது. அது இன்னும் சீரமைக்கப் படாமல்உள்ளது. காஞ்சிபுரம் அஷ்டபுஜப் பெருமாள் கோவில் குளத்தின் ஒரு பகுதி, நான்கு மாதங்களுக்கு முன் ஏற்பட்ட, வர்தா புயலுக்கு சரிந்து விழுந்தது. அதை சீரமைக்க, கோவில் சார்பில் பொறியாளர் ஆய்வு செய்து, திட்ட மதிப்பீடு தயாரித்து, அறநிலையத்துறைக்கு அனுப்பினர். அதற்கான சீரமைப்பு பணி இன்னும் துவங்காமல் கிடப்பில் உள்ளது. அந்தமழைக்கு பின், மீண்டும்மழை பெய்யாததால் அந்த இடிபாடு அப்படியே உள்ளது. மீண்டும் மழைபெய்தால், மேலும் சரிந்து விழும்; கூடுதல் செலவாகும். அதற்குள் குளத்தை சீரமைக்க வேண்டும் என, பக்தர்கள் கோரிக்கை விடுத்துள்ளனர். தற்போது அந்த கோவிலில் பிரம்மோற்சவம் நடந்து வருகிறது. ‘திட்ட ம திப்பீடு தயாரித்து, எங்கள் துறைக்கு அனுப்பி விட்டோம். வேலை செய்வதற்கான உத்தரவு இன்னும் வரவில்லை’ என, கோவில் செயல் அலுவலர், குமரன் கூறினார்.