விருத்தாசலம்: விருத்தாசலம் மணவாளநல்லுார் கொளஞ்சியப்பர் கோவிலில் ஆடி கிருத்திகையொட்டி, கொளஞ்சியப்பர் தங்க கவசத்தில் அருள்பாலித்தார்.  

ஆடி கிருத்திகையொட்டி, விநாயகர், கொளஞ்சியப்பர் சுவாமிகளுக்கு பால், தயிர், நெய், சந்தனம், இளநீர், பன்னீர், மஞ்சள், தேன் உள்ளிட்ட வாசனை திரவியங்களால் சிறப்பு அபிஷேகம் செய்யப்பட்டது. தொடர்ந்து, விநாயகருக்கு வெள்ளி கவசம், கொளஞ்சியப்பருக்கு தங்க கசவம் அணிவித்து, ஆராதனை நடந்தது. அதில், ஏராளமானோர் தரிசனம் செய்தனர். அதேபோல், விருத்தாசலம் வேடப்பர் கோவிலிலும் சிறப்பு அபிஷேக ஆராதனை நடந்தது. மணிமுக்தாற்றில் இருந்து ஏராளமான பக்தர்கள் பால்குடம் எடுத்து சுப்ரமணியசாமி கோவிலுக்கு ஊர்வலமாக சென்று, வழிபட்டனர்.