மதுரை, மதுரை அழகர்கோவில் சோலைமலை மண்டபம் ஆறாவது படை வீடு முருகன் கோயிலில் தைப்பூச கொடியேற்றம் ஜன.,22ல் காலை 9:45 மணிக்கு நடக்கிறது. காலை 10:15 மணிக்கு சுவாமி சிம்மாசனத்தில் எழுந்தருளுகிறார். மாலை 4:30 மணிக்கு யாகசாலை பூஜைகள், மாலை 6:00 மணிக்கு பூதவாகனத்தில் சுவாமி புறப்பாடு நடக்கிறது. ஜன.,30 வரை சுவாமி தினமும் மாலை 6:00 மணிக்கு பல்வேறு வாகனங்களில் எழுந்தருளுகிறார். ஜன.,31ல் தீர்த்தவாரியுடன் விழா நிறைவடைகிறது. ஏற்பாடுகளை தக்கார் வெங்கடாஜலம், செயல் அலுவலர் மாரிமுத்து செய்து வருகின்றனர்.