செஞ்சி: செஞ்சி வட்ட மதுரகவி ஆழ்வார் திருநட்சத்திர பரிபாலன சபையின் மாத மாநாடு ஏ.என்.ஏ., மினி ஹாலில் நடந்தது. சபை துணை தலைவர் டாக்டர் ரமேஷ்பாபு தலைமை தாங்கினார். வேணுகோபால் முன்னிலை வகித்தார். ராமதாஸ் வரவேற்றார். உறுப்பினர் உத்தரவேல் திருமால் துதிபாடினார். பெரியாழ்வார் திருமொழி தலைப்பில் வளையசெட்டிகுளம் ரகுபதியும், மெய்மை பெருவார்த்தை தலைப்பில் நொளம்பூர் ராமதாசும் சிறப்புரை நிகழ்த்தினர். சபை உறுப்பினர் துரைராஜ் மற்றும் பாகவதர்கள், ஆண்டாள் கோஷ்டியினர் கலந்து கொண்டனர். சபை உறுப்பினர் ராமானுஜம் நன்றி கூறினார்.