வில்லியனுார்: வில்லியனுார் திருக்காமீஸ்வரர் கோவில் பிரம்மோற்சவ தேர்த் திருவிழா, வரும் 19ம் தேதி கொடியேற்றத்துடன் துவங்குகிறது. வில்லியனுார் கோகிலாம்பிகை சமேத திருக்காமீஸ்வரர் கோவில் தேர்த்திருவிழா, வரும் 27ம் தேதி நடைபெறுகிறது. விழாவைமுன்னிட்டு, கடந்த 10ம் தேதி கோவில் உள் வளாகத்தில் உள்ள பிடாரியம்மனுக்கு காப்பு கட்டுதல் நிகழ்ச்சி நடந்தது. தொடர்ந்து நடந்து வரும் பிடாரியம்மன் விழாவில், 17ம் தேதி ரத உற்சவமும், 18ம் தேதி விநாயகர் உற்சவமும் நடக்கிறது. வரும் 19ம் தேதி இரவு 7:00 மணிக்கு மேல் கொடியேற்றம் நடக்கிறது.தொடர்ந்து நடைபெறும் விழாவில் 22ம் தேதி பாரிவேட்டையும், 24ம்தேதி ரிஷபம், மயில் மற்றும் வெள்ளி யானை வாகனத்தில் அலங்கரிக்கப்பட்ட சுவாமி வீதியுலா நிகழ்ச்சியும், 26ம் தேதி மாலை திருக்கல்யாண உற்சவமும் நடைபெறுகிறது. முக்கிய விழாவான தேர்த் திருவிழா வரும் 27ம் தேதி காலை 7:30 மணிக்கு மேல் நடைபெறுகிறது. பெரிய தேர், அம்மன் மற்றும் விநாயகர் ஆகிய மூன்று தேர்களையும் பழுதுபார்க்கும் பணி நடந்து வருகிறது.விழாவிற்கான ஏற்பாடுகளை கோவில் சிறப்பு அதிகாரி திருவரசன் மற்றும் சிவாச்சாரியர்கள், சிவனடியார்கள் செய்து வருகின்றனர்.