ஊத்துக்கோட்டை: வெலமகண்டிகை வீரஆஞ்சநேய சுவாமி கோவிலில் நடந்து வரும், 10 நாள் பிரம்மோற்சவ விழாவில், வரும், 16ம் தேதி, தீமிதி திருவிழா நடைபெற உள்ளது. ஊத்துக்கோட்டை அடுத்த, பென்னலுார்பேட்டை அருகே உள்ளது வெலமகண்டிகை கிராமம். இங்கு, 15ம் நுாற்றாண்டில், வியாச மகிரிஷியால் பிரதிஷ்டை செய்த வீரஆஞ்சநேயர் கோவில் உள்ளது. 10ம் தேதி, பிரம்மோற்சவ விழா துவங்கியது. தொடர்ந்து, 10 நாட்கள் நடைபெறும் இவ்விழாவில், ஒவ்வொரு நாளும், காலை, 7:00 மணி முதல், காலை, 10:00 மணி வரை சுவாமிக்கு அபிஷேகம், காலை, 10:00 மணி முதல், காலை, 11:00 மணி வரை சகஸ்ரநாம பாராயணம் நடைபெறும். பிற்பகல், 2:00 மணி முதல், மாலை 6:00 மணி வரை, ஹரிகதை நடைபெறும். விழாவின் முக்கிய நாளான, வரும், 16ம் தேதி, தீமிதி திருவிழா நடைபெறும். இதில், வெலமகண்டிகை மற்றும் சுற்றியுள்ள கிராமங்களில் இருந்து திரளான பக்தர்கள் காப்பு கட்டி தீ மிதிப்பர். இதை தொடர்ந்து உற்சவர் வீதிஉலா வந்து, பக்தர்களுக்கு அருள்பாலிப்பார்.